Egilea: Imanol Epelde Pagola

Idazlea, iritzi-emailea eta performerra naiz. Hitzarekin lan egiten dut, baina ez bakarrik paperean: ahotsez, gorputzez eta erritmoz ere bai. Literatura, umorea eta gizarte-kritika nahasten ditut, egunerokotasunari kilimak egiteko asmoz. Euskaraz sortzen dut, kontraesanetan eroso. Hezkuntzatik nator, eta hortik datorkit galderak egitearekiko obsesioa: zer baloratzen dugun, zer egiten dugun denborarekin, eta nola kontatzen dugun geure burua. ARGIAN idazten dut, performance dramatikoak sortzen ditut, eta hitzak musikarekin eta irudiekin nahasten ditut eszenan. Ez dut erantzun borobilik eskaintzen: pitzadurak interesatzen zaizkit. Barruan zerbait mugitzen bada, nahikoa da.